१३ कार्तिक, काठमाडौँ
मानव तस्करीमा संलग्न भएको आरोपमा त्रिभुवन अन्तरराष्ट्रिय विमानस्थलमा कार्यरत एक जना प्रहरी जवान पक्राउ परेका छन्। पक्राउ पर्नेमा प्रहरी जवान जीवराज तामाङ रहेका छन्।
काठमाडौं उपत्यका अपराध अनुसन्धान कार्यालयबाट खटिएको विशेष टोलीले उनलाई पक्राउ गरेको कार्यालयका प्रहरी उपरीक्षक रविन्द्र रेग्मीले जानकारी दिनु भयो। ३ वर्षदेखि त्रिभुवन अन्तरराष्ट्रिय विमानस्थलमा कार्यरत तामाङले मानव तस्करको गिरोहसँग मिलेर नक्कली कागजात बनाउने र भिजिट भिसामा सर्वसाधारणलाई दुबई लगायत अन्य खाडी मुलुक पठाउने गरेको प्रारम्भिक अनुसन्धानले देखाएको छ। यद्यपि यसबारे प्रहरीले थप अनुसन्धान भइरहेको प्रहरीको भनाई छ । उनको पहुँच र सम्पर्कबारे समेत अनुसन्धान भइरहेको बताईएको छ।
