१ जेठ,सुर्खेत-
सल्यानको कालीमाटी गाउँपालिका वडा नम्बर ७ का वडा अध्यक्ष मित्रलाल रिजाल वीरेन्द्रनगरस्थित कर्णाली प्रदेशको मुख्यमन्त्री तथा मन्त्रिपरिषद्को कार्यालय अगाडि धर्नामा बस्नु भएको छ।
कालिमाटी गाउँपालेका वडा नम्बर ७ घुइयाबारी–स्वामीबास–बबई सडकको स्तरवृद्धि तथा नेपाल टेलिकमको टावर निर्माणका विषयमा पटक–पटक अनुरोध गर्दा पनि प्रदेश सरकारले बेवास्ता गरेको भन्दै आफू धर्ना बस्न बाध्य भएको वडा अध्यक्ष रिजालले बताउनु भयो। आफ्ना मागहरू प्रदेश सरकारले सम्बोधन नगरेसम्म धर्ना जारी राख्ने उहाँले चेतावनी पनि दिनु भएको छ।
साथै उहाँले सडक स्तरवृद्धि तथा कालोपत्रे नहुँदा स्थानीय नागरिकले वर्षौंदेखि सास्ती भोग्दै आएको र सडकको दयनीय अवस्थाका कारण यातायात सञ्चालनमा समस्या हुनुका साथै दैनिक जनजीवन प्रभावित भइरहेको बताउनु भएको छ।
