२९ फागुन, सुर्खेत-
फागुन २१ गते सम्पन्न प्रतिनिधि सभा सदस्य पदको निर्वाचनमा सुर्खेत क्षेत्र नम्बर १ बाट राष्ट्रिय स्वतन्त्र पार्टी (रास्वपा) का तर्फबाट प्रत्यक्ष उम्मेदवार बनेका टेकबहादुर सिंह ठकुरीले आफ्नो चुनावी खर्च विवरण सार्वजनिक गरेका छन्।गर्नु भएको छ। प्रदेश निर्वाचन कार्यालय सुर्खेतमा पेश गरिएको विवरण अनुसार ठकुरीले चुनावी अभियानका क्रममा कुल ४ लाख ४६ हजार ४०० रुपैयाँ खर्च गरेको उल्लेख गर्नु भएको छ।
सार्वजनिक गरिएको खर्च विवरणमा सवारी भाडा, इन्धन, प्रचार–प्रसार सामग्री, खाना तथा नास्ता, जुस तथा पानी, स्टिकर र झण्डा लगायत शीर्षकमा खर्च भएको देखाइएको छ। विवरण अनुसार सबैभन्दा बढी सवारी भाडामा १ लाख ९२ हजार ५०० रुपैयाँ खर्च गरिएको छ। त्यस्तै इन्धनमा ८० हजार रुपैयाँ, प्रचार–प्रसार सामग्रीमा १ लाख ५० हजार रुपैयाँ, खाना तथा नास्तामा ७० हजार रुपैयाँ, नमुना मतपत्र नामावलीमा ३० हजार रुपैयाँ र स्टिकर तथा झण्डामा ३५ हजार रुपैयाँ खर्च भएको उल्लेख गरिएको छ। निर्वाचन आचारसंहिता अनुसार उम्मेदवारहरूले निर्वाचन सम्पन्न भएपछि आफ्नो चुनावी खर्चको विवरण सम्बन्धित निर्वाचन कार्यालयमा बुझाउनुपर्ने व्यवस्था रहेको छ। त्यसै अनुसार ठकुरीले आफ्नो खर्च विवरण पेश गरेको जनाइएको छ।बताउन्मु भएको छ।
