सुर्खेत १५
चितुवाको आक्रमणबाट सल्यानमा चार जना घाइते भएका छन् । जिल्लाको छत्रेश्वरी गाउँपालिका–३ दोली गाउँका ४० वर्षीय राजु केसी, सोही ठाउँका १६ वर्षीय छविलाल केसी, ४० वर्षीय टेकबहादुर थापा र २७ वर्षीय भीमसेन थापा र रहेका छन् । । घाइतेमध्ये राजुको अनुहार, हात खुट्टामा घाउ लागेको र उनको जिल्ला अस्पताल खलङ्गामा उपचार भइरहेको जिल्ला प्रहरी प्रमुख डिएसपी नवीन कार्कीले जानकारी दिनु भयो । अन्य तीनै जनाको स्थानीय मेडिकलहरूमा उपचार भइरहेको पनि प्रहरीले जानकारी दिएको छ ।
उहाका अनुसार आज (सोमबार) बिहान ९ बजेतिर छत्रेश्वरी–३ दोलीका पूर्णराज विकले सञ्चालन गरेको कुखुरा फार्मभित्र चितुवा पसेको थियो । स्थानीयले त्यसबाहिर पासो थापेका थिए । स्याल र बाघसमेत बाख्रा तथा कुखुरा खान आउने हुँदा स्थानीयले पासो थापेका थिए । खोरभित्र पसेर केही कुखुरा मारेपछि बाहिर निस्कने क्रममा चितुवा पासोमा फसेको थियो । उहाका अनुसार उक्त चितुवालाई नियन्त्रणमा लिने प्रयास भइरहेको र इलाका वन कार्यालय लुहामको समन्वयमा बर्दिया राष्ट्रिय निकुञ्जका कर्मचारी चितुवा नियन्त्रणका लागि सल्यान आएको डिएसपी कार्कीले बताउनु भयो ।
