२३ वैशाख,सल्यान-
सल्यानको कालिमाटी गाउँपालिका वडा नम्बर १ मा पालिकासँग नागरिक संवाद कार्यक्रम तथा आगामी आर्थिक वर्ष २०८३/८४ को योजना तर्जुमा कार्यक्रम सम्पन्न भएको छ। वडा नम्बर १ मा वैशाख २१ गते नागरिक संवाद तथा योजना तर्जुमा कार्यक्रम सम्पन्न भएको हो।
वडा नं १ मा भएको नागरिक संवाद तथा योजना तर्जुमा कार्यक्रममा विशेषगरी खानेपानीको समस्या रहेको बताइएको छ। उक्त वडामा लामो समयदेखि निर्माणाधीन रहेको कोटबयाले लिफ्टिङ खानेपानी योजना हालसम्म पनि सम्पन्न हुन नसक्दा दुई घण्टा लामो बाटो हिँडेर पानी बोकेर खानुपर्ने, त्यसैगरी चालु अवस्थामा रहेका खानेपानी ट्याङ्कीको घेराबार तथा तारजाली, ट्याङ्की मर्मत सिँचाइ कुलो, प्रावि स्कुल मर्ज हुँदा शिक्षाको कारणले बस्ती घटेको, ठाउँ अनुसारको उत्पादनमा हुन नसकेको, सहकारी संस्थाको भवन आवश्यक, विद्यालय सम्म जाने गोरेटो बाटो निर्माण, विद्यालयमा तारजाली तथा खानेपानीको व्यवस्था, अधुरो फिल्ड निर्माण रङ्ग रोगन तथा घेरबार, सिँचाइ कुलो स्वास्थ्य चौकी घेरभार स्वास्थ्य स्वयंसेविका हरूको पारिश्रमिक रोड बत्तीको व्यवस्था कृषिमा पालिकाको पहल लगायतका विषयमा सहभागीले जिज्ञासा एवं प्रश्न राखेका थिए। नागरिक संवाद कार्यक्रममा गाउँपालिका अध्यक्ष दानबहादुर खत्री उपाध्यक्ष सनशीलता ओली डिसी प्रमुख प्रशासकीय अधिकृत हर्कबहादुर ओली वडा अध्यक्ष रविलाल बस्नेत तथा वडा सदस्य लगायतले छलफल गर्नुभएको थियो।
कार्यक्रममा सहभागी पालिका अध्यक्ष उपाध्यक्ष एवं वडा अध्यक्षले सहभागी एवं उपस्थित हरूको सुझाव एवं जिज्ञासा अनुसार प्राथमिकताको आधारमा आगामी आर्थिक वर्षको बजेटमा योजनाहरू समावेश गर्ने बताउनुभएको थियो। वडा नम्बर १ का वडा अध्यक्ष रविलाल बस्नेतको अध्यक्षता एवं गाउँपालिका अध्यक्ष दानबहादुर खत्रीको प्रमुख आथीत्यता एवं पालिका उपाध्यक्ष सनशीलता ओली डिसी र प्रमुख प्रशासकीय अधिकृत हर्कबहादुर ओलीको आथित्यतामा पालिकासँग नागरिक संवाद एवं आर्थिक वर्ष २०८३८४ को योजना तर्जुमा कार्यक्रम सम्पन्न भएको हो। कार्यक्रममा विद्यालयका प्रधानाध्यापक एवं शिक्षक तथा विद्यालय व्यवस्थापन समितिका पदाधिकारी सामुदायिक वन, कृषि समूह सहकारी संस्था सिँचाइ कुलो लगायतका विभिन्न क्षेत्रका व्यक्तित्वहरूको सहभागिता रहेको थियो।
