८ वैशाख,सुर्खेत-
सुर्खेतको भेरीगंगा नगरपालिकाका नयाँ प्रमुख प्रशासकीय अधिकृत हरि बहादुर खत्रीलाई नगरपालिकामा स्वागत गरिएको छ। सोमबार एक कार्यक्रमका बिच नगरपालिकामा जनप्रतिनिधि र कर्मचारीले प्रमुख प्रशासकिय अधिकृत खत्रीलाई स्वागत गर्नु भएको हो। सोहि समयमा विगय्त केहि महिनादेखि प्रमुख प्रशासकीय अधिकृतको जिम्वेवारी समाल्नु भएका मान बहादुर ठाडालाई धन्यबाद ज्ञापन गरिएको छ। स्वागत कार्यक्रममा नगरप्रमुख यज्ञ प्रसाद ढकाल, उपप्रमुख धनसरा बोहरा, निर्वतमान प्रमुख प्रशासकिय अधिकृत मान बहादुर ठाडा लगायत वडाअध्यक्ष, कार्यपालिका सदस्य, कर्मचारी र सेवाग्राहीको सहभागीता रहेको थियो । भर्खर मात्र सरुवा भएर आउनु भएका प्रमुख प्रशासकीय अधिकृत यसअधि थुप्रै कार्यालयको जिवेवारिमा समेत रहनु भएको थियो।
सघिय मामिला तथा समान्य प्रशासन मन्त्रालयकाे चैत १६ गतेको निर्णय अनुसार गुर्भाकोट नगरपालिका वडा नम्बर ६ निवासी हरि बहादुर खत्रीलाई भेरीगंगा नगरपालिकाको प्रमुख प्रशासकीय अधिकृतको जिम्वेवारी दिईएको थियो। हालै उप–सचिवमा बढुवा भएका खत्रीलाई सरकारले महत्वपूर्ण जिम्मेवारी सहित भेरीगंगामा खटाएको हो। लामो समयदेखि निजामती सेवामा सक्रिय खत्रीको अनुभव, दक्षता र कार्यशैलीलाई मध्यनजर गर्दै उक्त जिम्मेवारी दिइएको जनाइएको छ।
यसअघि उहाँले सल्यानको कालिमाटी गाउँपालिका , मुगुमा सहायक प्रमुख जिल्ला अधिकारी ,डोल्पाको त्रिपुरा सुन्दरी नगरपालिका, उद्योग वाणिज्य तथा आपूर्ति कार्यालय नेपालगंजको जिम्वेवारी समेत समाल्नु भएको थियो। यस्तै उहाँले यसअघि दैलेखकाे चामुणडा बिन्दासैनी नगरपालिकामा सघियता आउन साथ २०७३ सालमा,सल्यानकाे बनगाड कुपिण्डे नगरपालिका ,बाँकेको जानकी ,बैजनाथ,राप्तिसाेनारी गाउँपालिकाको समेत जिम्वेवारी समाल्नु भएको थियो। साथै उहाँले अख्तियार दुरुपयाेग अनुसन्धान आयाेग र पश्चिम उच्च पहाडी गरिवी निवारण आयाेजनामा पनि काम गर्नु भएको थियो। स्थानीय तहमा सुशासन, पारदर्शिता र सेवा प्रवाह सुधारमा उहाँको भूमिका महत्वपूर्ण रहने विश्वास व्यक्त गरिएको छ।
