३ फागुन, सुर्खेत-
कालिमाटी गाउँपालिका वडा नं. ४ अन्तर्गत रहेको श्री ज्ञान ज्योति माध्यमिक विद्यालय, सुकेतालमा बालविवाह न्यूनीकरण, पोषण सम्बन्धी अभिमुखीकरण तथा लागू औषध दुव्र्यसन विरुद्ध सचेतना कार्यक्रम सफलतापूर्वक सम्पन्न गरिएको छ।
कार्यक्रममा विद्यार्थीहरूलाई बालविवाहका नकारात्मक प्रभाव, किशोर–किशोरीहरूको स्वास्थ्य तथा सन्तुलित पोषणको महत्व, साथै लागू औषध दुव्र्यसनबाट हुने शारीरिक, मानसिक तथा सामाजिक असरबारे विस्तृत जानकारी प्रदान गरिएको थियो। प्रशिक्षकहरूले उदाहरणसहित सचेतना फैलाउँदै विद्यार्थीहरूलाई जिम्मेवार, अनुशासित र स्वस्थ जीवनशैली अपनाउन प्रेरित गरेका थिए।
उक्त कार्यक्रममा विद्यालयका शिक्षक–शिक्षिका, विद्यार्थी, अभिभावक तथा सरोकारवाला व्यक्तिहरूको उल्लेखनीय सहभागिता रहेको थियो। सहभागीहरूले यस्ता जनचेतनामूलक कार्यक्रमले बालविवाह न्यूनीकरण, लागू औषध दुव्र्यसन नियन्त्रण तथा समग्र समाजमा सकारात्मक परिवर्तन ल्याउन महत्वपूर्ण भूमिका खेल्ने विश्वास व्यक्त गरेका छन्।
