२० फागुन,सुर्खेत-
आगामी निर्वाचनलाई लक्षित गर्दै सुर्खेत क्षेत्र नं. १ अन्तर्गतका सबै मतदान केन्द्रमा तयारी कार्य सम्पन्न भएको छ। प्रतिनिधि सभा निर्वाचन क्षेत्र नं. १ सुर्खेतका निर्वाचन अधिकृत कैलाश प्रसाद भट्टाराईले मतदान अधिकृत तथा कर्मचारी खटाइ सकिएको, मतपेटिका, मतपत्र, स्वस्तिक छाप लगायतका सामग्री केन्द्रहरूमा पु¥याइसकिएको र गोप्य मतदान कक्षको व्यवस्थापन पूरा भएको जानकारी दिनुभयो। सुरक्षा संवेदनशीलतालाई ध्यानमा राख्दै नेपाल प्रहरी, सशस्त्र प्रहरी र म्यादी प्रहरीसमेत परिचालन गरिएको छ। दुर्गम तथा पहाडी क्षेत्रका केन्द्रहरूमा सामग्री ढुवानी कार्य समयमै सम्पन्न गरिएको बताइएको छ।
यद्यपि, तयारी पूरा भइसकेको भनिए पनि मतदातामा भने केही अन्योल कायमै देखिएको छ। कतिपय मतदाताले आफ्नो नाम मतदाता नामावलीमा रहे/नरहेको, मतदान केन्द्रको यथार्थ स्थान तथा मतदान समयबारे स्पष्ट जानकारी नपाएको गुनासो गरेका छन्। विशेषगरी ग्रामीण बस्तीका नागरिकले सूचना प्रवाह पर्याप्त नभएको गुनासो गरेका हुन्। यता प्रतिनिधि सभा निर्वाचन क्षेत्र नं. १ सुर्खेतका निर्वाचन अधिकृत कैलाश प्रसाद भट्टाराईले भने आधिकारिक सूचना माध्यम, वडा कार्यालय तथा अनलाइन प्रणालीमार्फत नामावली जाँच गर्न सकिने जानकारी दिँदै ढुक्क भएर मतदान प्रक्रियामा सहभागी हुन आग्रह गर्नु भएको छ।
