सुर्खेत १७
गुर्भाकोट नगरपालिकाको वडा नम्बर ८ मा रहेको धार्मिक तथा ऐतिहासिक खटाङ्ग क्षेत्रमा तीनमुखे झोलुङ्गे पुल बन्ने भएको छ। गुर्भाकोट नगरपालिकाको वडा नम्बर ८ खटाङ्ग, वडा नं. १० घुमखहरे र वडा नं. १२ दहचौरलाई जोड्ने गरि तीनमुखे झोलुङ्गे पुल बन्ने भएको छ । आज गुर्भाकोट नगरपालिका नगर प्रमुख हस्त पुन,स्थानीय पूर्वाधार आयोजनाका कर्मचारी एवं नगरपालिकाका कर्मचारी लगायतले डिजाईनको लागी अनुगमन गर्नु भएको हो।
नेपाल सरकारका रक्षामन्त्री एवं सुर्खेत क्षेत्र नम्बर एक का संघीय सांसद पूर्ण बहादुर खड्काको बिशेष पहलमा उक्त तीनमुखे झोलुङ्गेपुल बन्ने भएको हो । गुर्भाकोट नगरपालिका प्रमुख हस्त पुनले तीनमुखे झोलुङ्गे पुल निर्माणको लागी तिहार सम्म फाईनल डिजाईनको कम सकिने र आगामी मंसिर महिनाभित्र टेण्डर लगायतको प्रक्रिया सुरु हुने तयारी रहेको बताउनुभयो। संघीय सरकारको २५ करोड बजेट लागतमा बन्न लागेको पुलको लागी केहि बजेट बिनियोजन भैसकेको समेत नगर प्रमुख हस्त पुनले जानकारी दिनु भयो।
