कार्तिक २१ ,सुर्खेत
कर्णाली प्रदेशको राजधानी समेत रहेको सुर्खेतको वीरेन्द्रनगर नगरपालिकाले जाजरकोटका गएको शक्तिशाली भूकम्प बाट प्रभावितलाई २६ लाख रकम सहयोग गर्ने भएको छ।
मंगलबार अर्थात गते बसेको वीरेन्द्रनगर नगर कार्यपालिकाको बैठकले यस्तो निर्णय गरेको हो। नगरपालिकाको १६ वटै वडाको वडा विपद कोषबाट एक/एक लाख गरि १६ लाख र नगरपालिकाको तर्फबाट १० लाख गरि जम्मा २६ लाख सहयोग गर्ने निर्णय भएको बिरेन्द्रनगर नगरपालिका नगर प्रमुख मोहनामाया ढकालले जानकारी दिनु भयो।
साथै वीरेन्द्रनगर नगरपालिकाले भूकम्प पीडित परिवारका बालबालिकाहरु वीरेन्द्रनगरको सामुदायिक विद्यालयमा अध्यनरत भएको भए तिनीहरुलाई र बिरेन्द्रनगर नगरपालिका भित्र अध्ययन गर्न चाहानेका लागी नगर शिक्षा विकास कोषमार्फत निःशुल्क अध्ययनको ब्यवस्थापन गर्ने समेत निर्णय गरेको छ।
