२६ माघ, सुर्खेत-
सुर्खेतको वीरेन्द्रनगर नगरपालिका वडा नं. ११ मा लागुऔषध सेवन गरी सवारी साधन चलाइरहेका ६ जना चालकलाई प्रहरीले पक्राउ गरेको छ। मिति २०८२ साल माघ २६ गते अन्दाजी ११:२० बजेको समयमा जिल्ला प्रहरी कार्यालय सुर्खेत तथा जिल्ला ट्राफिक प्रहरी कार्यालय सुर्खेतबाट खटिएको संयुक्त चेकिङ टोलीले सवारी साधन रोकि चेकजाँच गर्ने क्रममा उनीहरूलाई नियन्त्रणमा लिएको हो।
चेकजाँचका क्रममा ती चालकहरूमा लागुऔषध सेवन गरेको प्रारम्भिक लक्षण देखिएपछि Test Kit प्रयोग गरी परीक्षण गर्दा Canabish तथा Opiod लगायतका लागुऔषध सेवन गरेको पुष्टि भएको प्रहरीले जनाएको छ। सोही आधारमा उनीहरूलाई थप अनुसन्धानका लागि जिल्ला प्रहरी कार्यालय सुर्खेत ल्याई अनुसन्धान भइरहेको छ।
पक्राउ पर्ने व्यक्तिहरूको विवरण:
१. जिल्ला पर्सा, वीरगञ्ज महानगरपालिका वडा नं. ०८ बस्ने वर्ष अन्दाजी २८ का अजय थापा
२. जिल्ला सुर्खेत, वीरेन्द्रनगर नगरपालिका वडा नं. ११ बस्ने वर्ष अन्दाजी २५ का कासीराम डाँगी
३. जिल्ला दैलेख, चामुण्डा बिन्द्रासैनी नगरपालिका वडा नं. ०७ बस्ने वर्ष अन्दाजी २४ का हिक्मत शाही
४. सोही स्थान बस्ने वर्ष अन्दाजी २५ का जीवन शाही
५. जिल्ला सुर्खेत, वीरेन्द्रनगर नगरपालिका वडा नं. ११ बस्ने वर्ष अन्दाजी २५ का प्रकाश वि.क.
६. जिल्ला दैलेख, गुराँस गाउँपालिका वडा नं. ०४ बस्ने वर्ष अन्दाजी २५ का डिलबहादुर वि.क.
प्रहरीले लागुऔषध सेवन गरी सवारी चलाउनु गम्भीर अपराध भएकाले यस्ता गतिविधिविरुद्ध नियमित चेकजाँच तथा कारबाहीलाई थप कडाइ गरिने जनाएको छ।
