माघ २४, सुर्खेत
गुर्भाकोट नगरपालिकामा समुदायमा आधारित रोग निगरानी प्रणाली (Community-Based Disease Surveillance System) कार्यक्रमअन्तर्गत स्थानीय प्राविधिक समितिको बैठक सम्पन्न भएको छ।
गुर्भाकोट नगरपालिकाको सभाहलमा सम्पन्न उक्त बैठक स्वास्थ्य शाखा प्रमुख पूर्णबहादुर घर्तीको अध्यक्षतामा सम्पन्न भएको हो। नेपाल पब्लिक हेल्थ रिसर्च एण्ड डेभ्लपमेन्ट सेन्टरको सहकार्यमा सञ्चालन भइरहेको कार्यक्रमअन्तर्गत बैठक आयोजना गरिएको थियो। बैठकमा स्वास्थ्य शाखामा कार्यरत गणेश बहादुर वलीयज्ञ पन्त, डम्मर वली,जीवन लामिछाने,सर्भिलेन्स अफिसर अस्मिता खनाल, मेहेलकुना अस्पतालका MDGP चिकित्सक डा. सन्दीप घर्ती मगर तथा डा. राजकुमार भुजेल, शिक्षा शाखा प्रमुख बलबीर बिक, विभिन्न स्वास्थ्यचौकी तथा आधारभूत स्वास्थ्य सेवा केन्द्रका प्रमुख एवं कर्मचारीहरूको उपस्थिति रहेको थियो।
कार्यक्रममा समुदायमा आधारित रोग निगरानी प्रणालीको प्रभावकारी सञ्चालन र कार्यान्वयनका विषयमा छलफल गर्दै स्वास्थ्य शाखा प्रमुख पूर्णबहादुर घर्तीको संयोजकत्वमा स्थानीय प्राविधिक समिति गठन गरिएको छ। गठन गरिएको समितिमा सदस्यका रूपमा स्वास्थ्यकर्मीहरू गणेशबहादुर वली, प्रेमबहादुर खत्री, नेत्रलाल खत्री, शेरबहादुर खत्री, गीता रेग्मी र जीवन लामिछाने रहनु भएको छ। समुदायस्तरमै रोगको समयमै पहिचान, सूचना संकलन तथा शीघ्र प्रतिकार्यलाई सुदृढ बनाउने उद्देश्यले सञ्चालन भइरहेको यस कार्यक्रमले स्थानीय तहमा जनस्वास्थ्य प्रणालीलाई थप मजबुत बनाउने अपेक्षा गरिएको छ।
