१७ माघ,सल्यान-
सल्यानको कालिमाटी गाउँपालिका वडा नम्बर ६ मा निःशुल्क महिला प्रजनन स्वास्थ्य, जेष्ठ नागरिक स्वास्थ्य शिविर तथा आँखा शिविर सम्पन्न भएको छ । कालिमाटी गाउँपालिकाको आयोजनामा आधारभूत आधारभुत स्वास्थ्य सेवा केन्द्र छरछरेमा महिला प्रजनन रुग्णता स्क्रिनिङ (VIA क्याम्प), जेष्ठ नागरिक स्वास्थ्य परीक्षण, आँखा जाँच शिविर तथा निःशुल्क औषधि वितरण कार्यक्रम सफलतापूर्वक सम्पन्न भएको हो।
शिविरमा जम्मा ११४ जना सेवाग्राहीले सेवा लिएका थिए। महिलाको पाठेघरको मुखको क्यान्सरको प्रारम्भिक पहिचान तथा रोकथाम गर्ने उद्देश्यले सञ्चालन गरिएको VIA परीक्षण सेवामा २० जना महिलाले परीक्षण गराएका थिए। शिविरमा ५१ जनाको ब्लडप्रेसर र सुगर चेकजाँच गरिएको थियो। जसमा ९ जना मधुमेह सुगर पहिचान गरि प्रेसन गरिएको छ। यसैगरी, ओपिडी सेवा ८० जनाले लिएका थिए भने आँखा जाँच सेवा ५४ जनालाई प्रदान गरिएको थियो। आँखा जाँचका क्रममा ९ जनामा मोतिबिन्दुको समस्या पहिचान भएको छ। पहिचान भएका बिरामीहरू लाई आँखा अपरेसनका लागि रेफर/व्यवस्था गरिएको छ।
कार्यक्रम कालिमाटी गाउँपालिका उपाध्यक्ष सन्सिलता वली डिसीको प्रमुख आतिथ्यतामा एवं वडाध्यक्ष टेकराज पुलामीको अध्यक्षतामा सम्पन्न भएको हो। कार्यक्रममा कार्यपालिका सदस्य तिल कुमारी वली,वडा सदस्यहरु स्वास्थ्य शाखा प्रमुख गोरखबहादुर थापा,मेहेलकुना अस्पतालका MDGP डाक्टर सन्दिप घर्ति तथा कल्पना रसाईली,मेहेलकुना आँखा उपचार केन्द्रका प्रमुख दिपेन्द्र साहानी तथा कर्मचारी, मोतिलाल वली पोषण सहजकर्ता एवं स्वास्थ्य शाखामा कार्यरत कर्मचारी,आधारभूत स्वास्थ्य सेवा केन्द्र छरछरेको प्रमुख पद्मा कुमारी पुलामी तथा कार्यरत कर्मचारी एवं महिला स्वास्थ्य स्वयम् सेविका लगायतको उपस्थितिमा रहेको थियो। शिविर सफल बनाउन सहयोग गर्नेद सम्पूर्णमा आयोजकले सबैप्रति विशेष धन्यवाद व्यक्त गरेको छ। कालिमाटी गाउँपालिकाले आगामी दिनमा पनि समुदायस्तरमा पहुँचयुक्त र निःशुल्क स्वास्थ्य सेवा कार्यक्रमलाई निरन्तरता दिने जनाएको छ।
