सुर्खेत
‘एकताबद्द वडा खेलकुदको सन्देश’ भन्ने नाराका साथ् गुर्भाकोट नगरपालिका वडा नम्बर ११ मा आज देखि वडा अध्यक्ष कप सुरु भएको छ। गुर्भाकोट नगरपालिका वडा नम्बर ११ को वार्मागार खेलमैदानमा बिहान १२ बजे वडा अध्यक्ष राजन बिसीले पानसमा बत्ति बालेर तथा ब्यानर पढेर कार्यक्रमको उद्घाटन गर्नु भएको हो।
कार्यक्रम उद्घाटन गर्दै वडा अध्यक्ष बिसीले वडा स्तरमै भलिवल तथा फुटवल प्रतियोगिता संचालन गर्नु पर्ने खेलाडीको आग्रह तथा अग्रज व्यक्तिहरुको सल्लाहमा वडा अध्यक्ष कपको आयोजना गरेको बताउदै वडा अध्यक्ष कप बाट उत्कृट खेलाडी छनोट गरि नगरपालिका हुने मेयर कपको तयारीको लागी पनि सहज हुने बताउनु भएको थियो। साथै उहाँले खेलकुदले समाजलाइ एकतावद्द सँगै खेलाडीलाई शारीरिक तथा मानसिक रुपमा स्वस्थ बनाउने बताउदै खेलाडीको साथमा सधै आफु ,वडा खेलकुद विकास समिति र वडा कार्यालय रहने पनि बताउनु भएको थियो।
कार्यक्रममा स्वास्थ्यकर्मी शेर बहादुर खत्री,युवा संघ गुर्भाकोटका अध्यक्ष सुरेश रोकाय,संचारकर्मी सुर्यदिप रेग्मी,नेपाली कांग्रेसका प्रतिनिधि मिलन रावत,नेकपा एमालेका प्रतिनिधि शेर बहादुर वली लगाएतले स्वागत मन्तव्य तथा खेल सफलताको सुभकामना व्यक्त गर्नु भएको थियो। कार्यक्रममा स्वागत मन्तव्य राख्ने बक्ताहरुले गुर्भाकोट नगरपालिका वडा नम्बर ११ वडा कार्यालयले पहिलो पटक वडा अध्यक्ष कपको आयोजना गरि स्थानिय स्तरमा भएका खेलाडीको पहिचान गर्ने अवसरको सुरुवात गरेकोमा वडा कार्यालय परिवार र वडा खेलकुद बिकास समितिलाई धन्यवाद ज्ञापन गरेका थिए। साथै आगामी दिनमा खेलाडीको समस्या तथा आवश्यकतालाई बुझ्दै खेलकुदको लागी आवश्यक पर्ने खेल सामाग्री उपलब्ध गराइदिन पनि बक्ताहरुले आग्रह गरेका थिए।
वडा अध्यक्ष कपमा फुटवल र भलिवल गरि २ वटा खेल हरु हुनेछ। फुटवल खेलको लागी ८ वटा टिम दर्ता भएका छन् भने भलिवल खेलको लागी ४ वटा टिम दर्ता भएका छन्। आज भएको फुटवल खेलको पहिलो चरणमा ६ वटा टिमविच प्रतिस्पर्धा भएको छ। पहिलो खेलमा लेखसुर्मा र आँपसेती बिच खेल भएको थियो , उक्त खेलमा लेकसुर्माले आँपसेती लाइ ४ गोल हानेको थियो। यस्तै दोस्रो खेलमा वार्मागार ए र सिमखोला बीच खेल भएको थियो जसमा सिमखोलाले २ गोल हानेपनी बाहिरि खेलाडी समावेश गरेको भन्दै वार्मागार सिधै बिजयी भएको थियो। तेस्रो खेल वार्मागार बि र भलायदमार बिच भएको थिय, खेलमा वार्मागार बि ले भलायदमार लाई ५ गोल हानेको थियो भने भलायदमारले एक गोल फर्काएको थियो। भोलि बिहान आँपगैरा ए र आँपगैरा बि बिच फुटवल खेल हुनेछ। फुटवल खेलमा प्रथम हुनेलाई १५,००० र दोस्रो हुनेलाई ७५०० नगत पुरस्कारको व्यवस्था गरिएको छ भने भलिवल तर्फ प्रथम हुनेलाई १०,००० र दोस्रो हुनेलाई ५,००० नगद पुरुस्कारको व्यवस्था गरिएको वडा खेलकुद बिकास समिति सदस्य सचिव नेत्र बिकले जानकारी दिनु भयो।
गुर्भाकोट नगरपालिका वडा नम्बर ११ कि वडा सदस्य तथा वडा खेलकुद बिकास समितिकी सदस्य सुशिला वलीको अध्यक्षता , वडा अध्यक्ष राजन बिसिको प्रमुख आतिथ्यता एवं वडा सदस्य दिपेन्द्र शाहीको बिशेष आतिथ्यतामा वडा अध्यक्ष कप सुरु भएको हो। खेलकुदको उद्घाटनमा प्रहरी चौकी मेहेलकुनाका असहि महेन्द्र केशर विस्ट,सस्त्र प्रहरीबल घुमखहरेका ईन्चार्ज अर्जुन कंवर, वडा खेलकुद विकास समिति सदस्य संजिव वली,वडा खेलकुद विकास समिति सदस्य सचिव तथा वडा नम्बर ११ का वडा सचिव नेत्र बिक , बिभिन्न राजनीतिक दलका प्रतिनिधि,समाजसेवी,सुरक्षाकर्मी स्वास्थ्यकर्मी ,संचारकर्मी , खेलकुदप्रेमी एवं स्थानीयको बाक्लो उपस्थिति रहेको थियो। वडा अध्यक्ष कप खेलकुद को सन्चाल हिमा शाहीले गर्नु भएको थियो।
