८ मंसिर ,सल्यान
सल्यानको शारदा नगरपालिकामा गुडिरहेको बस भित्तामा ठोक्किदा ६ जना घाइते भएका छन् । आज (शुक्रवार ) राप्ती राजमार्ग अन्तर्गत सल्यानको शारदा नगरपालिका–६ भट्टाचौरमा बस दुर्घटनामा परेको हो। दाङ तुलसीपुरबाट सल्यान दार्मा जाँदै गरेको ना ४ ख ३९९६ नम्बरको बस दुर्घटना परेको जिल्ला प्रहरी कार्यालय सल्यानका सुचना अधिकारि भवानीप्रसाद धमलाले जानकारी दिनु भयो ।
सुचना अधिकारिभवानीप्रसाद धमलाका अनुसार दुर्घटनामा सल्यान कुमाख गाउँपालिका-७ जिमालीका २५ वर्षीय सहचालक लालबहादुर शाही, बागचौर नगरपालिका-२ का १० वर्षीय सुसान्त केसी, ५५ वर्षीया सावित्रा ओली, ७८ वर्षीया झुपा केसी, दाङ बबई गाउँपालिका-७ का ३८ वर्षीय कुशल डाँगी र बाँके राप्ती सोनारी गाउँपालिका-३ की ५० वर्षीया डिला खड्का घाइते भएका छन्। घाइतेमध्ये सहचालक शाहीको अवस्था गम्भीर रहेको र उनीहरुको श्रीनगरस्थित मेट्रो अस्पतालमा उपचार भइरहेको छ । दुर्घटनाको कारण खुल्न बाँकी रहेको प्रहरीले जनाएको छ ।
