२५ वैशाख, सुर्खेत-
हिमालयन लाइफ ईन्सोरेस मेहेलकुना शाखाले मृत्युदावी रकम हस्तान्तरण गरेको छ। भेरीगंगा नगरपालिका–५ सुर्खेत निवासी गणेश खड्काको निधनपछि उहाँको जीवन बीमा वापतको रु. ५ लाख ६० हजार रकम परिवारलाई प्रदान गरिएको हो।
मेहेलकुना शाखाका प्रमुख ध्रुवप्रसाद शर्माले खड्काकी जीवनसंगिनी नजरी खड्का तथा परिवारजनलाई उक्त रकम हस्तान्तरण गर्नुभएको थियो। खड्काले मेहेलकुना शाखामार्फत ५ लाख रुपैयाँ बराबरको जीवन बीमा गरेका थिए भने उनले हालसम्म केवल तीन किस्ता मात्रै जम्मा गरेका थिए। बीमित व्यक्तिको असामयिक निधनपछि परिवारलाई आर्थिक राहत स्वरूप मृत्युदावी रकम प्रदान गरिएको शाखाले जनाएको छ। कार्यक्रममा सहभागीहरूले जीवन बीमाले विपद् र दुःखको समयमा परिवारलाई आर्थिक सुरक्षा दिने भएकाले यसको महत्व झन् बढ्दै गएको बताएका थिए।
