२५ वैशाख,सल्यान-
सल्यानको कालिमाटी गाउँपालिका वडा नम्बर ३ मा पालिकासँग नागरिक संवाद कार्यक्रम तथा आगामी आर्थिक वर्ष २०८३/८४ को योजना तर्जुमा कार्यक्रम सम्पन्न भएको छ। वडा नम्बर ३ मा वैशाख २३ गते नागरिक संवाद तथा योजना तर्जुमा कार्यक्रम सम्पन्न भएको हो।
वडा नं ३ मा भएको नागरिक संवाद तथा योजना तर्जुमा कार्यक्रममा सहभागीले विद्यालयमा शौचालय तथा खेलमैदानको अभाव र cctv जडान गर्नुपर्ने, कम्प्युटर तथा शैक्षिक सामग्रीको थप व्यवस्था हुनुपर्ने, शिक्षा र स्वास्थ्यको क्षेत्रमा थप बजेट विनियोजन गर्नुपर्ने कृषिलाई आधार बनाएर अगाडि बढ्नुपर्ने र बजारीकरणको व्यवस्था गर्नुपर्ने, विद्युतीकरणको लागि पोलको आवश्यकता, पिउने पानीको समस्या, बहु उद्देश्यशीय सहकारी संस्थाको बचत तथा ऋणको अवस्था, पशु बिमा सम्बन्धी समस्या, खातमल तथा बिउ बिजन समयमा उपलब्ध गराउनुपर्ने, पालिका स्तरीय खेलमैदान र प्रतीक्षालयको व्यवस्था हुनुपर्ने, बच्चा तल्ने मेसिन स्वासप्रश्वास नाप्ने मेसिन र ज्वरो नाप्ने मेसिन को आवश्यकता र सुनौलो हजार दिनका आमाहरूको लागि भएसम्म यातायात खर्चको व्यवस्था गर्नुपर्ने लगायतका विषयमा सहभागीले जिज्ञासा एवं सुझाव राखेका थिए।
नागरिक संवाद कार्यक्रममा गाउँपालिका अध्यक्ष दानबहादुर खत्री, उपाध्यक्ष सनशीलता वली डिसी, प्रमुख प्रशासकीय अधिकृत हर्क बहादुर वली,वडा अध्यक्ष शिव बहादुर खत्री तथा वडा सदस्य लगायतले छलफल गर्नुभएको थियो। कार्यक्रममा सहभागी पालिका अध्यक्ष उपाध्यक्ष एवं वडा अध्यक्षले सहभागी एवं उपस्थित हरूको सुझाव एवं जिज्ञासा अनुसार प्राथमिकताको आधारमा आगामी आर्थिक वर्षको बजेटमा योजनाहरू समावेश गर्ने बताउनुभएको थियो। वडा नम्बर ३ का वडा अध्यक्ष शिव बहादुर खत्रीको अध्यक्षता, गाउँपालिका अध्यक्ष दानबहादुर खत्रीको प्रमुख आथीत्यता एवं पालिका उपाध्यक्ष सनशीलता वली डिसी,प्रमुख प्रशासकीय अधिकृत हर्क बहादुर वली र वडा सदस्यहरुको आथित्यतामा पालिकासँग नागरिक संवाद एवं आर्थिक वर्ष २०८३/८४ को योजना तर्जुमा कार्यक्रम सम्पन्न भएको हो। कार्यक्रममा विद्यालयका प्रधानाध्यापक एवं शिक्षक तथा विद्यालय व्यवस्थापन समितिका पदाधिकारी सामुदायिक वन, कृषि समूह सहकारी संस्था सिँचाइ कुलो लगायतका विभिन्न क्षेत्रका व्यक्तित्वहरूको सहभागिता रहेको थियो। कालिमाटी गाउँपालिकाको आयोजना तथा गंगामाला मिडिया प्रालिको सहजीकरणमा पालिकासँग नागरिक संवाद तथा योजना तर्जुमा कार्यक्रम सम्पन्न भएको हो।
