१५ जेठ,सुर्खेत-
राष्ट्रिय स्वतन्त्र पार्टी (रास्वपा) को प्रथम गुर्भाकोट नगर अधिवेशन आज सफलतापूर्वक सम्पन्न भएको छ। गुर्भाकोट नगरपालिका वडा नम्बर ८ स्थित सिटिहलमा आज सम्पन्न भएको रास्वपाको प्रथम गुर्भाकोट नगर अधिवेशनले दिनेश सुनारको नेतृत्वमा ७ सदस्यीय नगर कार्यसमिति चयन गरेको हो। 
सम्पन्न भेलाले उपसभापतिमा कमल विक,सचिवमा देउराम खड्का,सहसचिवमा प्रेम गुरुङ लाई चयन गरेको छ भने सदस्यहरुमा सपना परियार,लालबहादुर राजी र ओबिलाल थापा लिई चयन गरेको छ। नवनिर्वाचित कार्यसमितिले गुर्भाकोटमा पार्टीलाई थप सुदृढ र विस्तार गर्दै आगामी स्थानीय निर्वाचनमा बलियो उपस्थिति जनाउने प्रतिबद्धता व्यक्त गरेको छ। कार्यक्रममा पार्टीको संसदीय दलका सचेतक प्रकाशचन्द्र परियार प्रमुख अतिथिका रूपमा उपस्थित रहनुभएको थियो। यस्तै पार्टीका प्रदेश,जिल्ला स्थानिय तह,वडा लगाएत बिभिन्न तह र तत्काका व्यक्तिहरुको सहभागिता रहेको थियो।
